– ஆர்.கிறிஷ்ணகாந் –
பட்டதாரிகளுக்காக அரசாங்க நிறுவனங்களில் 17000 தொழில் வெற்றிடங்கள் காணப்படுகின்றதென்றும் இவ்வெற்றிடங்களுக்கு பொருத்தமான தகுதியுடைய பட்டதாரிகளை தேர்வு செய்வதற்காக குழுவொன்றும் நியமிக்கப்பட்டுள்ளதாக தெரிவிக்கப்பட்டுள்ளது.
இக் குழு தொடர்பான அறிக்கையொன்று பிரதமர் ரணில் விக்ரமசிங்கவிடம் கையளிக்கப்பட்டுள்ளதாக தேசிய கொள்கைகள் மற்றும் பொருளாதார நடவடிக்கைகள் இராஜாங்க அமைச்சர் நிரோஷன் பெரேரா தெரிவித்துள்ளார்.
இது தொடர்பில் மேற்கொள்ளப்படும் எதிர்கால நடவடிக்கைகள் குறித்து விசேட கலந்துரையாடல் ஒன்று விரைவில் மேற்கொள்ளப்படவுள்ளதாக தெரிவிக்கப்பட்டுள்ளது.
வேலையில்லா பட்டதாரிகளின் பிரச்சினைகளுக்கு தீர்வு காணும் பொருட்டு இராஜாங்க அமைச்சர் நிரோஷன் பெரேரா தலைமையில் இக் குழு நியமிக்கப்பட்டுள்ளதாக தெரிவிக்கப்பட்டுள்ளது.