எவன் கார்ட் விவகாரம் தொடர்பில் ஜனாதிபதி மைத்திரிபால சிறிசேன தலைமையில் இன்று புதன்கிழமையும் விசேட கலந்துரையாடல் ஒன்று நடைபெறவுள்ளது.
கலந்துரையாடலில் பாதுகாப்புத்துறையை சார்ந்த தரப்பினர் கலந்துகொள்ளவுள்ளதாக தெரிவிக்கப்படுகின்றது. அத்துடன் அமைச்சரவை அமைச்சர்கள் சிலரும் இந்த சந்திப்பில் கலந்துகொள்வார்கள் என தெரிவிக்கப்படுகின்றது.
நேற்று முன்தினம் இடம்பெற்ற விசேட அமைச்சரவைக் கூட்டத்திலேயே இவ்வாறு இன்றைய தினம் கலந்துரையாடலை நடத்துவதற்கு தீர்மானம் எடுக்கப்பட்டது.
மேலும் பிரதமர் ரணில் விக்ரமசிங்கவுடனும் பேச்சுவார்த்தை நடத்தப்படும் என இந்த அமைச்சரவைக் கூட்டத்தில் ஜனாதிபதி மைத்திரிபால சிறிசேனவும் கூறியிருந்தார்.
அந்தவகையிலேயே இந்த விவகாரம் குறித்து இன்றைய தினம் இந்த விசேட கலந்துரையாடல் நடைபெறவுள்ளதாக தெரிவிக்கப்படுகின்றது.
எவ்வாறெனினும் எவன்ட் கார்ட் விவகாரத்தைக்கொண்டு நாட்டின் ஏனைய பிரச்சினைகளை மூடி மறைக்க அரசாங்கம் முயற்சிப்பதாக மஹிந்த ஆதரவு அணியினர் தெரிவித்துள்ளமை குறிப்பிடத்தக்கது.