ad34@hFacMC 
எதிர்வரும் பாராளுமன்றத் தேர்தல் இந்நாட்டு மக்களுக்கு ஒரு முக்கியமான தேர்தலாகும். இதில் நீங்கள் உங்களையும், உங்கள் குடும்பத்தையும் பாதுகாத்துக் கொள்வதா அல்லது மஹிந்த ராஜபக் ஷவையும், அவரது குடும்பத்தையும் பாதுகாத்துக் கொள்வதா என்பதை தீர்மானித்துக் கொள்ள வேண்டும்.
உங்களுக்கு உங்கள் குடும்பமும், உங்களது எதிர்காலமும் நாசமாகிப்போக வேண்டும் என்றால் மஹிந்த ராஜபக் ஷ தலைமையி லான கூட்டணிக்கு வாக்களிக்க முடியும். இந்தத் தேர்தல் உங்கள் எதிர்காலத்தை தீர்மானிக்கும் ஒரு தேர்தல் என ஐக்கிய தேசிய கட்சியின் தலைவரும், பிரதமருமான ரணில் விக்கிரமசிங்க தெரிவித்தார்.
சிலாபம் நகரில் கடந்த செவ்வாய்க்கிழமை இடம்பெற்ற தேர்தல் பிரசாரக் கூட்டத்தில் கலந்துகொண்டு உரையாற்றும்போதே அவர் இவ்வாறு கூறினார்.
பிரதமர் தொடர்ந்தும் உரையாற்றுகையில், கடந்த ஜனவரி 8 ஆம் திகதி இடம்பெற்ற ஜனாதிபதி தேர்தலின் போது நாம் மைத்திரிபால சிறிசேனவின் கீழ் நாட்டில் நல்லாட்சி ஒன்றை ஏற்படுத்தினோம்.
நடைபெறவுள்ள பாராளுமன்றத் தேர்தலில் நீங்கள் விரும்பும் ஒரு பிரதமரைத் தெரிவுசெய்து கொள்வதற்கான சந்தர்ப்பம் உங்களுக்கு தற்போது கிட்டியிருக்கின்றது. இதற்காக உங்கள் எதிர்காலத்தைச் சிறப்பாக்கும் ஒரு தேர்தலாக இந்தத் தேர்தலை நீங்கள் பயன்படுத்திக் கொள்ள வேண்டும்.
அறுபது மாதத்தில் புதியதோர் நாட்டை உருவாக்கும் வேலைத்திட்டத்தை நாம் முன்வைத்திருக்கின்றோம். இதுவே எமது திட்டம். அடுத்த 5 வருடத்தில் இந்நாட்டில் 10 இலட்சம் வேலை வாய்ப்புக்களை ஏற்படுத்திக் கொடுப்பதற்கு இந்த வேலைத்திட்டத்தில் விசேட கவனம் செலுத்தப்பட்டுள்ளதை நான் இங்கு சுட்டிக் காட்ட விரும்புகிறேன்.
வெளிநாட்டு முதலீடுகள், தொழிற்சாலைகளைக் கொண்டு வந்து ஹோட்டல், கணினி சேவை நிலையங்கள் ஏற்படுத்தப்படும். இதன் ஊடாக பாரியளவிலான வெளிநாட்டு சந்தை வாய்ப்புக்களைப் பிடித்துக் கொண்டு உங்களால் முன்னேறிச் சென்று வெகுவிரைவில் உங்களது வருமானத்தை அதிகரித்துக் கொள்வதற்கான வாய்ப்புக்களை ஏற்படுத்த நாம் நடவடிக்கை மேற்கொள்வோம்.
எமது திட்டங்களின் மூலம் அதிக வருமான வழிகளை ஏற்படுத்தக் கூடிய தொழிற்சாலைகளை உருவாக்க வேண்டும். இதில் உங்களால் அதிக வருமானத்தைப் பெற்றுக் கொள்ள முடியும். இத்திட்டத்தின் ஊடாக இந்த பிரதேசங்களுக்கும், இந்த சிலாபத்திற்கும் நன்மைகள் ஏற்படும். இங்கு தொழிற்சாலைகள் வரும். சுற்றுலாத் துறை விருத்தியடையும்.
அதேபோல கடல் உற்பத்திகளை ஏற்றுமதி செய்யக் கூடியவாறு விசேட கடற்றொழில் துறைமுகமும் இங்கு ஏற்படுத்தப்படும். கட்டுநாயக்க விமான நிலையம் ஊடாக உங்களது இந்த உற்பத்திகளை வெளி நாட்டுச் சந்தைகளுக்கு அனுப்ப வசதி செய் யப்படும்.
இவ்வாறு உங்களுக்கு பல்வேறு நன்மைதரும் வேலைத்திட்டங்கள் அடங்கிய ஒரு திட்டத்தையே நாம் முன்வைத்திருக்கின்றோம். இவைகளால் உங்களது எதிர்காலம் சிறப்பாகும். இதேவேளை முன்னாள் ஜனாதிபதி மஹிந்தவை பிரதமராக்குமாறு கோரி ஐக்கிய மக்கள் சுதந்திரக் கூட்டமைப்பினர் பல வாக்குறுதிகளை வழங்கியுள்ளனர். இவைகளின் பக்கம் அவதானத்தைச் செலுத்தி நீங்கள் சரியான தீர்மானத்தை எடுக்க வேண்டும்.
பொதுச் சொத்துக்களைத் திருடும் ஒரு பிரதமருடன் அரசாங்கத்தை ஏற்படுத்திக் கொள்வதா? அல்லது திருட்டுக்களில் ஈடுபடாத ஊழலற்ற பிரதமர் ஒருவருடனான அரசாங்கம் ஒன்றை ஏற்படுத்திக் கொள்வதா? தனது குடும்பத்தின் சிறப்பான எதிர்காலத்திற்காக மாத்திரம் செயற்படுகின்ற பிரதமர் ஒருவருடன் அரசாங்கம் ஒன்றை உருவாக்க வேண்டுமா அல்லது உங்கள் குடும்பத்தின் சிறப்பான எதிர்காலத்திற்காகப் பணியாற்றுகின்ற பிரதமர் ஒருவருடனான அரசாங்கத்தை உருவாக்க வேண்டுமா? தொழில் துறைகளை ஏற்படுத்திக் கொள்ள முடியாத, வெளிநாட்டு முதலீடுகளைக் கொண்டுவர முடியாத, ஐரோப்பிய நாடுகளுக்கு கடல் உற்பத்திகளை அனுப்ப முடியாத பிரதமர் ஒருவருடனான அரசாங்கத்தை உருவாக்க வேண்டுமா? அல்லது தொழிலுக்கான வழிகளை ஏற்படுத்திக் கொடுக்கக் கூடிய, வெளிநாட்டு முதலீடுகளைக் கொண்டு வரக்கூடிய, ஐரோப்பிய ஒன்றியத்தின் கடற்தொழில் உற்பத்திகளுக்கான தடையை நீக்கிக்கொள்ள முடியுமான பிரதமர் ஒருவருடனான அரசாங்கத்தை ஏற்படுத்திக் கொள்ள வேண்டுமா என்பதை நீங்கள் தீர்மானிக்க வேண்டும்.
விரும்பியவாறு சட்டத்தைக் கையில் எடுத்துக் கொண்டு செயற்படுகின்ற பிரதமர் ஒருவருடனான அரசாங்கத்தை ஏற்படுத்த வாக்களிக்க வேண்டுமா? அல்லது இந்நாட்டின் சட்டத்தை உரிய முறையில் நடைமுறைப்படுத்துகின்ற பிரதமர் ஒருவருடனான அரசாங்கத்தை ஏற்படுத்த வாக்களிக்கப் போகின்றீர்களா? மிகவும் நியாயமான முறையில் செயற்படக் கூடிய பிரதமர் ஒருவருடன் அமையப் போகும் அரசாங்கத்திற்காக வாக்களிக்கப் போகின்றீர்களா என்பது பற்றி சிந்தியுங்கள்.
இவைகளை ஒப்பிட்டுப் பாருங்கள். அத்தியாவசிய பொருட்களின் விலையைக் குறைக்க முடியாத பிரதமரையும், அரசாங்கத்தையும் உருவாக்க வேண்டுமா? அரசாங்க ஊழியர்களின் சம்பளத்தை அதிகரிக்க முடிந்த, அத்தியாவசிய பொருட்களின் விலையைக் குறைக்க முடிந்த பிரதமருடனான அரசாங்கத்தை உருவாக்க வேண்டுமா? நாட்டு மக்களின் வருமானத்தை அதிகரிக்கச் செய்வதற்கான வழிகளை ஏற்படுத்திக் கொடுக்கும் பிரதமருடன் கூடிய அரசாங்கத்தை ஏற்படுத்த வேண்டுமா என்பதை மக்கள் சிந்திக்க வேண்டும்.
பெண்களுக்கு தொல்லைகள் கொடுக்கும், பெண்களுக்கு எதிரான வன்முறைகளுக்கும், வல்லுறவுக் குற்றங்களுக்கும் உடந்தையாக இருக்கும் பிரதமர் ஒருவருடன் கூடிய அரசாங்கம் இந்நாட்டில் ஏற்படுத்தப்பட வேண்டுமா? அல்லது பெண்களை மதிக்கும், பெண்களின் பாதுகாப்பை உறுதிப்படுத்தும் பெண்களின் உரிமைகளைப் பெற்றுக் கொடுக்கக் கூடிய பிரதமர் ஒருவருடனான அரசாங்கம் இந்நாட்டில் ஏற்படுத்தப்பட வேண்டுமா? இந்நாட்டில் வாழும் சிறுபான்மை மக்களுக்கு தொல்லைகளைக் கொடுத்து அவர்கள் இந்நாட்டில் சுதந்திரமாக வாழ்வதற்கு இடமளிக்காத, அவர்களின் மத உரிமைகளை பாதுகாக்காத பிரதமர் ஒருவருடனான அரசாங்கம் அமைய வேண்டுமா? அல்லது இந்நாட்டு மக்கள் அனைவரையும் சமமாக மதித்துச் செயற்படும், எல்லா இன மக்களும் சுதந்திரமாக வாழ வழியேற்படுத்திக் கொடுக்கும், மத உரிமைகளை பாதுகாக்கும் பிரதமர் ஒருவருடனான அரசாங்கம் அமைய வேண்டுமா என்பது பற்றி மக்கள் சிந்தித்து வாக்களிக்க வேண்டும்.
மாற்று கொள்கைகளைக் கொண்டவர்கள், எதிராக எழுதுபவர்களை அடக்கி, வெள்ளை வேன்களில் அவர்களைக் கடத்திச் செல்லும் பிரதமர் ஒருவரையும், அரசாங்கம் ஒன்றையும் ஏற்படுத்த வேண்டுமா? அவ்வாறில்லாமல் எவ்வாறான கருத்துக்களை வெளியிடுவதற்கும், எழுதுவதற்கும், பேசுவதற்கும் உரிய சுதந்திரத்தை வழங்கும் பிரதமர் ஒருவருடனான அரசாங்கத்தை ஏற்படுத்த வேண்டுமா? என்பதையும் தீர்மானியுங்கள்.
இவைகள் தான் வரும் 17 ஆம் திகதி நீங்கள் சிந்திக்க வேண்டிய விடயங்கள். இவைகளைப் பற்றிச் சிந்தித்து இந்தத் தேர்தலில் நீங்கள் வாக்களிக்க வேண்டும். மஹிந்தவையும், கூட்டணியையும் தெரிவு செய்து கொள்வதா? அல்லது இந்நாட்டில் சரியான முறையில் செயற்படக் கூடிய ஒரே கட்சியான ஐக்கிய தேசிய கட்சியையும், என்னையும் தெரிவுசெய்ய வேண்டுமா என்பதைப் பற்றித் தீர்மானித்து வாக்களியுங்கள்.
இம்மாதம் 17 ஆம் திகதி புதிய அரசாங்கத்தை அமைக்க இந்த புத்தளம் மாவட்டத்தில் அதிகப்படியான ஒத்துழைப்பை எனக்கு வழங்குங்கள். சிலாபத்தை வெற்றி பெறச் செய்யுங்கள். இங்கு சிறந்த வேட்பாளர்களை நாம் நிறுத்தியிருக்கின்றோம். இத்தேர்தலில் நீங்கள் உங்களைப் பற்றிச் சிந்தித்து வாக்களியுங்கள்.
இந்தத் தேர்தல் கடந்த ஆட்சிக் காலங்களில் இடம்பெற்ற தேர்தல்களைப் போன்றதொரு தேர்தலல்ல. மக்களுக்கு பொருட்கள் விநியோகிக்கப்படவில்லை. சமுர்த்தி உத்தி யோகத்தர்கள் வீடு வீடாக அனுப்பப்பட வில்லை. பொலிஸார் தமது கடமைகளை உரிய முறையில் செய்கிறார்கள். அவர்களின் கடமைகளுக்கு எவ்வித அழுத்தங்களும் வழங்கப்படவில்லை.
இவைகள்தான் நல்லாட்சியில் இடம் பெற்ற மாற்றங்கள். இவ்வாறான மாற்றங் கள் தொடர்ந்தும் நீடிக்க வேண்டுமா அல் லது ஜனாதிபதியும், பிரதமரும் முரண் பட் டுக்கொள்ள வேண்டுமா என்பதை மக்கள் தீர்மானிக்க வேண்டும்.
இந்தத் தேர்தலில் பிரதமர் வேட்பாளராக முன்னாள் ஜனாதிபதி மஹிந்த போட்டி யிடுகின்றார். அவர் வெற்றிபெற்று பிரதமரா னால் பிரதமரும், ஜனாதிபதியும் முரண்பட்டுக்கொள்ளும் நிலையே ஏற்படும். அத னால் உங்களது எதிர்காலத்தை நாசமாக் கிக் கொள்ள வேண்டாம். இதுதான் நாம் உங்களுக்கு வழங்க வேண்டிய தகவலாகும் என்றார்.