உலக வங்கி மற்றும் சர்வதேச நாணய நிதியத்தின் வருடாந்த கூட்டங்களில் கலந்து கொள்ளும் நோக்கில் நிதியமைச்சர் ரவி கருணாநாயக்க பெரு நாட்டுக்கு விஜயம் செய்துள்ளார்.
இம்மாதம் 9 ஆம் திகதி முதல் 11 ஆம் திகதிவரை நடைபெறும் இம்மாநாட்டில் நிதி அமைச்சர் ரவி கருணாநாயக்கவுடன் திறைசேரியின் செயலாளர் கலாநிதி ஆர்.எச்.எஸ். சமரதுங்க, மத்திய வங்கியின் ஆளுநர் அர்ஜுன மகேந்திரன் ஆகியோரும் இலங்கையின் சார்பில் பங்கேற்கின்றனர்.
உலக வங்கி மற்றும் சர்வதேச நாணய நிதியத்தின் இந்த மாநாடுகளின் 188 உறுப்பு நாடுகளின் நிதியமைச்சர்கள், மத்திய வங்கியின் ஆளுநர்கள் ஆகியோர் கலந்து கொள்கின்றனர். இதன்போது உலக பொருளாதார விவகாரங்கள் தொடர்பில் பல்வேறு தரப்புக்களுடன் நிதி அமைச்சர் ரவி கருணாநாயக்க பேச்சுவார்த்தைகளை நடத்தவுள்ளார்.
குறிப்பாக அபிவிருத்தி அடைந்து வரும் நாடுகளில் பொருளாதார அபிவிருத்தி, வறுமைக்குறைப்பு உலகப் பொருளாதாரம் உள்ளிட்ட விட யங்கள் குறித்தும் இதன் போது கலந்துரையாடப்படவுள்ளது. குறிப்பாக நிதி அமைச்சர் ரவி கருணாநாயக்க உலக வங்கி மற்றும் சர்வதேச நாணய நிதியத்தின் அதிகாரிகளுடன் இலங்கைக்கான உதவிகள் தொடர்பில் பேச்சுவார்த்தை நடத்தவுள்ளார்.
இலங்கையானது ஒவ்வொரு வருடமும் உலக வங்கி மற்றும் சர்வதேச நாணய நிதியத்திடமிருந்து 400 மில்லியன் டொலர் பெறுமதியான உதவிகளைப் பெற்று வருகின்றது. இதேவேளை பெரு நாட்டுக்கு பயணிக் கும் வழியில் நிதியமைச்சர் ரவி கருணாநாயக்க ஜப்பா னுக்கு சென்றதுடன் பிரதமர் ரணில் விக்கிரமசிங் கவுடன் இணைந்து ஜப்பானில் இருதரப்பு பேச்சு வார்த்தைகளையும் நடத்தியுள்ளார்.