ஜனாதிபதி தலைமையில் இன்று நடைபெறவுள்ள சர்வகட்சி மாநாட்டுக்கு தமிழ்த் தேசியக் கூட்டமைப்புக்கு ஜனாதிபதி அழைப்பு விடுத்திருந்தாலும் நிகழ்ச்சி நிரலைப் பொறுத்தே எமது செயற்பாடுகள் அமையும் என்று எம்.ஏ.சுமந்திரன் எம்.பி. தெரிவித்தார்.
இது தொடர்பில் அவர் மேலும் கருத் துத் தெரிவிக்கையில்,
ஐ.நா.மனித உரிமைப் பேரவைத் தீர்மானம் அரசாங்கம் முன்னெடுக்கவிருக்கும் செயற்பாடுகள் விடயங்கள் தொடர்பில் அரசாங்கம் கொண்டுள்ள நிலைப்பாடு குறித்து ஆராய்வதற்கான கூட்டத்துக்கு நாம் அழைக்கப்பட்டிருக்கிறோம்.
இதனூடாக நாட்டிலுள்ள அனைத்து கட்சித் தலைவர்களின் கருத்துக்கள் மற் றும் ஆலோசனைகளைப் பெறவிருப்பதாகஅறிய முடிகிறது.
ஜனாதிபதி எதற்காக அழைத்துள்ளார். நடைபெறவுள்ள நிகழ்ச்சி நிரல் என்ன என்பது எமக்குத் தெரியாது. இருந்த போதும் கலந்துரையாடலில் என்ன இடம்பெறவுள்ளதோ அதற்கேற்ற பதிலை வழங்க நாம் தயாராக இருக்கின்றோம் என சுமந்திரன் தெரிவித்தார்.