நிலவும் சீரற்ற காலநிலை காரணமாக நாடளாவிய ரீதியில் மக்களின் இயல்பு வாழ்க்கை பெரிதும் பாதிக்கப்பட்டுள்ள நிலையில் ஏற்பட்ட அனர்த்தங்களில் சிக்கி 6 பேர் உயிரிழந்துள்ளனர். அத்துடன் மேலும் 9 பேர் காயமடைந்துள்ளதுடன் நான்கு பேர் காணாமல் போயுள்ளனர்.
இதனைவிட சீரற்ற காலநிலை காரணமாக 25, 820 குடும்பங்களைச் சேர்ந்த 88 933பேர் பாதிக்கப்பட்டுள்ளனர். 65 வீடுகள் முற்றாகவும் 1240 வீடுகள் பகுதியளவிலும் சேதமடைந்துள்ளதாக அனர்த்த முகாமைத்துவ மத்திய நிலையம் தெரிவித்துள்ளது.
மேலும் பாதிக்கப்பட்டோரில் 8445 குடும்பங்களைச் சேர்ந்த 31, 851 பேரை 106 முகாம்களில் தங்கவைத்துள்ளதாக அந்த நிலையம் அறிவித்துள்ளது.