‘நான் நிறைய கடன்­பட்­டி­ருக்­கிறேன்’ – சங்கா

டொக்… என்ற அந்த ஒற்றைச் சத்தம் மட்­டும்தான் கேட்கும். திரும்பிப் பார்க்­கையில் பந்து பவுண்­டரி கயிற்றைத் தொட்­டி­ருக்கும்.

இனி அந்த சத்தம் கேட்­காது…

ஆட்­ட­மி­ழந்­து­விட்டோம் என்று தெரிந்­து­விட்டால் நடு­வரின் கை மேலெழும்­பும்­வரை காத்­தி­ருக்­காது நேர்­மை­யாக தானே வெளி­யேறும் போது ஒரு சிறு புன்னகை முகத்தில் பூக்கும்.

இனி அந்தப் புன்­னகை இருக்­காது…

உலகில் எங்கு விளை­யா­டினால் ரசிகன் எந்த நாட்டைச் சேர்ந்­த­வ­னாக இருந்­தாலும் இவ­னுக்­காக அந்த ரசி­கனின் கைகள் தட்­டப்­படும்… இனி அந்தக் கைத்­தட்டல் இருக்­காது…

இலங்­கையின் டொன் பிரட்மன் என்று வர்­ணிக்­கப்­படும், Gentleman கிரிக்­கெட்டை அடுத்தக் கட்­டத்­திற்கு நகர்த்­திய நட்­சத்­திர துடுப்­பாட்ட வீரர் குமார் சங்­கக்­கார சர்­வ­தேச கிரிக்­கெட்­டி­லி­ருந்து கண்ணீர் மல்க விடை­பெற்றார். சங்­காவின் பிரி­யா­விடை வைபவம் நடக்­கும்­வரை அடக்­கி­வைத்­தி­ருந்த கண்­ணீரை வைபவம் முடிந்­த­வுடன் அழுது தீர்த்­தது வானம். ஆம் வைபவம் ஆரம்­பிப்­ப­தற்கு முதல் மழை… நிகழ்வு முடிந்­த­பின்பும் மழை. இடையில் சங்­காவின் பிரி­யா­விடை.

இலங்கை –- இந்­திய அணி­க­ளுக்­கி­டையில் நடை­பெற்­று­வரும் முன்று போட்­டிகள் கொண்ட ஒருநாள் தொடரின் இரண்­டா­வது போட்­டி­யோடு சங்­கக்­கார சர்­வ­தேச கிரிக்கெட் அரங்­கி­லி­ருந்து விடை­பெற்றார். இந்­நி­கழ்வு நேற்று கொழும்பு பி.சரா ஓவல் சர்­வ­தேச கிரிக்கெட் அரங்கில் நடை­பெற்­றது.சங்­கக்­கா­ரவை வழி­ய­னுப்பி வைக்க ஜனா­தி­பதி மைத்­தி­ரி­பால சிறி­சேன, பிர­தமர் ரணில் விக்­கி­ர­ம­சிங்க கொழும்பு சரா ஓவல் மை­தா­னத்­திற்கு வந்­தி­ருந்­தனர். அத்­தோடு இலங்­கைக்கு உலகக் கிண்­ணத்தை வென்­று­ தந்த இலங்கை அணியின் முன்னாள் தலைவர் அர்­ஜுன ரணதுங்க,இந்­திய அணியின் முன்னாள் டெஸ்ட் அணித் தலைவர் சுனில் கவாஸ்கர் ஆகி­யோரும் இந்­நி­கழ்வில் கலந்­து­கொண்­டனர்.

இந்­நி­கழ்­வின்­போது திடீ­ரென அறிவிப்­பொன்­றின்­மூலம் சங்­கா­வுக்கு உச்­ச­பட்ச கௌர­வத்தை வழங்­கினார் ஜனா­தி­பதி மைத்­தி­ரி­பால சிறி­சேன. அதுதான் சங்­காவை பிரித்­தா­னி­யாவின் இலங்கை உயர்ஸ்­தா­னி­க­ராக்­கு­வ­தான அழைப்பு. அந்த அழைப்பை ஜனா­தி­பதி விடுத்­த­வுடன் மைதா­னத்தில் கூடி­யி­ருந்த ரசி­கர்­களின் ஆர­வார கர­கோஷம் அடங்க சிறிது நேரம் ஆயிற்று.

அள்­ளிக்­கொ­டுத்த நினைவுப் பரி­சில்­களும் பாராட்­டுக்­களும் ஒரு­பக்கம், பதி­னைந்து வரு­டங்­க­ளாக விளை­யா­டி­வந்த கிரிக்­கெட்டை விட்டு விடை­பெ­று­கிறோம் என்ற கவலை இன்­னொ­ரு­பக்கம் இருக்க இறு­தியில் மைக்கை கையில் எடுத்த சங்கா, ” நான் கல்­வி­கற்ற டிரி­னிட்­டியில் கற்­றதும் பெற்­றதும் மிக மிக அதிகம், அங்கு பெற்றுக் கொண்ட கிரிக்­கெட்டின் அடிப்­படை பயிற்­சிக்­காக நான் நிறைய கடன்­பட்­டி­ருக்­கிறேன். சுனில் பெர்னாண்டோதான் எனது ஆரம்­ப­கால பயிற்­சி­யாளர். அவர் ஆரம்­பித்து வைத்த இந்தப் பயணத்தில் நான் 15 வரு­டங்­க­ள் பய­ணித்­தி­ருக்­கிறேன்.

எனது அனைத்து முன்னாள் தலை­வர்­க­ளுக்கும், என்­னோடு விளை­யா­டிய சக வீரர்கள் அனை­வ­ருக்கும் நன்றி. இப்­படி அனை­வ­ருக்கும் நன்றி தெரி­வித்­துக்­கொண்டு வந்த சங்கா, தனது பெற்­றோ­ருக்கு நன்றி தெரி­விக்­கும்­போது கண்கள் கலங்­கி­விட்­டன. நா தழுதழுக்க ஆரம்­பித்­து­விட்­டது குரல். எனக்கு ஊக்­க­சக்தி யார் என்று என்­னிடம் பலரும் கேட்­டி­ருக்­கி­றார்கள். இதோ இப்­போது சொல்­கிறேன் என்­னு­டைய ஊக்­க­சக்தி எனது பெற்­றோர்­தான். அம்­மா­வுக்கும் அப்­பச்­சிக்கும் நன்றி. (அழு­து­கொண்டே பேசு­கிறார்)

எனது பெற்­றோ­ருக்கு நான் மக­னாக பிறந்­த­தற்கு கொடுத்து வைத்­தி­ருக்க வேண்டும். நான் எப்­போதும் உணர்ச்­சி­வ­சப்­ப­டு­பவன் இல்லை. எனது பெற்றோர், உற­வி­னர்கள், நண்­பர்கள் குழு­மி­யி­ருக்கும் இந்த தரு­ணத்தில் எனது கண்ணில் இருந்து நீர் கொட்­டத்தான் செய்­கி­றது. அது அப்­படி கொட்­டத்தான் செய்யும்.

விராட் மற்றும் இந்­திய அணிக்கும் இந்த தரு­ணத்தில் நன்றி. உங்­க­ளது அன்­பான வார்த்­தை­க­ளுக்கு நன்றி. நல்ல தர­மான கிரிக்கெட் ஆட்­டத்தை எங்­க­ளுக்கு எதி­ராக ஆடிக் காட்­டி­னீர்கள். ஓய்வு பெறும் இந்த தரு­ணத்தில் உங்­க­ளுக்கு எதி­ராக கடி­ன­மான கிரிக்­கெட்டை ஆடி­யது எனக்கு மன­நி­றைவைத் தரு­கி­றது. நாங்கள் உங்­களை வீழ்த்­து­வ­தற்கு திட்­ட­மிட்டு அதில் தவ­றி­யி­ருக்­கிறோம். எனினும் இந்த தரு­ணத்தில் எங்­க­ளுடன் இருப்­ப­தற்கு உங்­க­ளுக்கு நன்றி”.

இத்­தோடு எனது கிரிக்கெட் வாழ்க்கை முடிந்­து­விட்­ட­தாக எண்­ண­வேண்டாம். கெத்­தா­ர­மையில் அல்­லது காலியில் ஏன் இந்த மைதா­னத்தின் கெல­ரியில் இருந்து நான் கிரிக்கெட் பார்த்து கிரிக்­கெட்­டோ­டுதான் வாழ்ந்­து­கொண்­டி­ருப்பேன். கெல­ரி­யி­லி­ருந்து போட்­டியைப் பார்ப்­பது கொஞ்சம் கஷ்­டம்தான். ஆனால் அதற்குப் பழ­கித்­தானே ஆக­வேண்டும்.

இலங்கை அணிக்கு வாழ்த்­துக்­க­ளையும் அஞ்­சலோ மெத்­தி­யூ­ஸுக்கு உற்­சா­கத்­தையும் கொடுத்து விடை­பெறும் தறு­வாயில் கூறினார்… மூன்­றா­வது போட்­டியை இலங்கை வெல்லும் என்று…

அந்த ஒற்றை வார்த்தை போதும் இலங்கை அணி தொடரை வெல்லும்…

சூரியன் மறைத்த நட்­சத்­திரம்

இந்­திய –- இலங்கை அணி­க­ளுக்­கி­டையில் நடை­பெற்­று­வந்த 2ஆவது டெஸ்ட் கிரிக்கெட் போட்­டியில் இந்­திய அணி வெற்­றி­பெற்­றது. இதில் இந்­தியா 278 ஓட்­டங்கள் வித்­தி­யா­சத்தில் வெற்றி பெற்று தொடரை 1–-1 என சம­நி­லைப்­ப­டுத்­தி­யது.

மூன்று போட்­டிகள் கொண்ட தொடரில் முதல் போட்­டியில் இலங்கை அணி வெற்றி பெற்­றது. இதனால் இந்த போட்­டியில் இலங்கை அணி வெற்றி பெற்றால் தொடரை கைப்­பற்­றி­விடும். அல்­லது இந்­தியா வெற்றி பெற்று தொடரை சம­நிலைப் படுத்தும் என்ற பேச்­சுதான் தொடக்கம் முதலே இருந்­தி­ருக்க வேண்டும்.

ஆனால், வெற்­றி-­தோல்வி என்ற பேச்சை விட, சங்­கக்­கா­ரவின் கடைசி போட்டி என்­பதால் போட்­டி­யின்­போது அவ­ரைப்­பற்­றிய பேச்­சுதான் முன்­னி­லையில் இருந்­தது.

நான்­கா­வது நாளி­லி­லேயே சங்கா ஆட்­ட­மி­ழந்­ததால் தனது சர்­வ­தேச கிரிக்கெட் பய­ணத்தை முடித்துக் கொண்ட சங்­கக்­கார நேற்­றைய போட்­டியை பார்­வை­யாளர் அரங்­கி­லி­ருந்து பார்த்­துக்­கொண்­டி­ருந்தார். இலங்கை அணியின் விக்­கெட்­டுகள் மள­ம­ள­வென சரிய சங்கா மிகவும் சோக­மாக காணப்­பட்டார். இறு­தியில் இலங்கை அணி தோல்­வி­ய­டைய இந்­திய அணி பெரி­தாக ஆர்ப்­ப­ரித்து வெற்­றியை கொண்­டா­ட­வில்லை.

சங்­கக்­கார மைதா­னத்­திற்கு வந்து ரசி­கர்­க­ளிடம் இருந்து பிரி­யா­விடை பெற்றார். இந்­திய வீரர்கள் கைகு­லுக்கி அவ­ருக்கு பிரி­யா­விடை கொடுத்­தனர். இந்­திய அணித் தலைவர் கோஹ்­லி­யுடன், நீண்ட நேரம் அவர் உரை­யா­டினார்.

இந்த வெற்றி கோஹ்லி தலை­மை­யி­லான இந்­திய டெஸ்ட் அணிக்கு கிடைத்த மிகப்­பெ­ரிய வெற்றி. இளம் நட்­சத்­தி­ர­மாக ஜொலிக்க காத்­தி­ருக்கும் கோஹ்லிக்கு இது மிகப்­பெ­ரிய வாய்ப்பு. ஆனாலும் சங்­கக்­கார எனும் சூரி­யனின் பிரி­யா­வி­டையால் கோஹ்லி எனும் நட்­சத்­திரம் மறைந்­து­விட்­டது.

இலங்கையின் டொன் பிரட்மன்

உலகின் தலைசிறந்தக் கிரிக்கெட் வீரராகக் கருதப்படுபவர் அவுஸ்திரேலியாவின் சேர். டொன் பிரட்மன். இவர் 12 இரட்டைச் சதங்களை விளாசியவர் என்கின்ற மிகப்பெரிய சாதனையை தன்னகத்தே கொண்டிருக்கிறார். இவருக்கு அடுத்தபடியாக 11 இரட்டைச் சதங்கள் விளாசிய ஒரே வீரர் நமது நாயகன் குமார் சங்கக்காரதான். அதனால்தான் இவரை சேர்.டொன் பிரட்மனுக்கு ஒப்பீடாகக் கருதுகிறார்கள்.

இதுவரை 134 டெஸ்ட் போட்டிகளில் விளையாடியுள்ள சங்கக்கார 233இன்னிங்ஸ்களில் 12,400 ஓட்டங்களைப் பெற்றிருக்கிறார். 54.19 என்ற அதிகபட்ச சராசரியுடன் இருக்கிறார். இதில் 38 சதங்கள் மற்றும் 52 அரைச்சதங்கள் அடங்கும். அதிகபட்ச தனிப்பட்ட ஓட்டங்களாக 319 ஓட்டங்களைச் சேர்த்திருக்கிறார்.

அவுஸ்திரேலியா – நியூஸிலாந்தில் இவ்வருடம் நடந்து முடிந்த உலகக் கிண்ணத்தோடு ஒருநாள் போட்டிகளில் ஓய்வு பெற்ற சங்கக்கார, 404 போட்டிகளில் விளையாடி 14,234 ஓட்டங்களைக் குவித்துள்ளார், சராசரி 41.98 ஆகும். இதில் 25 சதங்களையும், 93 அரைச்சதங்களையும் பெற்றுள்ளார் சங்கா.

போராட்டம், ஏமாற்றம், வெற்றி, தோல்வி, பல சறுக்கல்கள் என தனது கிரிக்கெட் வாழ்க்கையில் அனைத்தையும் அனுபவித்த சங்கா இறுதியில் அனைத்து ரசிகர்களையும் கவலையில் ஆழ்த்திவிட்டு சர்வதேச கிரிக்கெட்டிற்கு விடைகொடுத்துவிட்டார்.கிரிக்கெட் உள்ளவரை சங்காவின் பெயர் நிச்சயம் நிலைத்து நிற்கும்.

நாட்டிற்காகவும் இலங்கை கிரிக்கெட்டிற்காகவும் சங்கா செய்த அர்ப்பணிப்புகளுக்கு நன்றி…

உங்கள் விளையாட்டால் எமக்கு கிரிக்கெட் விருந்து படைத்ததற்கு மிக்க மிக்க நன்றி…

நன்றி சங்கா.. வாழ்த்துக்கள்… சங்கா…