ad34@hFacMC 
‘‘துணைத்தலைவர் பதவி கிடைத்தால் ‘பிபா’ அமைப்பை சுத்தப்படுத்த தயார்’’ என கால்பந்து ஜாம்பவான் மரடோனா தெரிவித்துள்ளார்.
சர்வதேச கால்பந்து கூட்டமைப்பு (‘பிபா’) சுவிட்ஸர்லாந்தில் உள்ளது. இதன் தலைவர் தேர்தல் சமீபத்தில் நடந்தது. இதில் அலி பின் அல்– ஹுசைன் விலகிக் கொள்ள செப் பிளாட்டர் 5ஆவது முறையாக தலைவர் ஆனார். இதைத் தொடர்ந்து பல்வேறு ஊழல் செய்திகள் வெளியாக செப் பிளாட்டர் ராஜினாமா செய்தார்.
இதனைத் தொடர்ந்து ஆர்ஜென்டினா கால்பந்து ‘ஜாம்பவான்’ மரடோனா கூறியதாவது:
அமெரிக்க புலனாய் வுத் துறை (எப்.பி.ஐ.) மற்றும் சுவிட்ஸர் லாந்து பொலிஸார் இணைந்து தன்னை ‘பிபா’ தலைமையகத்தில் வைத்து கைது செய்து விடுவர் என பிளாட்டர் பயந்து விட்டார் என்று நினைக்கிறேன். இதனால் தான் ராஜினாமா செய்து விட்டார்.
எதிர்வரும் தேர்தலில் ஒருவேளை அலி பின் அல்–ஹுசைன் தலைவராக தேர்வு செய்யப்பட்டால், நான் துணைத் த லைவர் ஆகி விடுவேன். இதுமட்டும் சரியாக நடந்தால் ‘பிபா’ மீதான அனைத்து களங்கத்தையும் சுத்தப்படுத்தி விடுவேன் இவ்வாறு மரடோனா கூறினார்.