– அஷ்ரப் ஏ சமத், சத்தார் எம் ஜாவித் –
மஹரகம புற்றுநோய் வைத்தியசாலைக்கு நவீன ரக பெற் சி.ரி ஸ்கேனர் ஒன்றை வழங்கவதற்கு இன, மத பேதமின்றி ஒன்றிணைந்து உதவுமாறு வேண்டுகோள் விடுக்கப்பட்டுள்ளது.
மஹரகம புற்றுநோய் வைத்தியசாலையில் சுமார் 1,100 பேர் தங்கி சிகிச்சை பெறுவதாகவும், அதனைவிட நாளாந்தம் சுமார் 1,500 பேர் வரை சிகிச்சைகளை பெற்றுச் செல்வதற்காக வருகை தருவதாகவும் வைத்தியசாலை தகவல்கள் தெரிவிக்கின்றன.
இதேவேளை, இலங்கையில் சுமார் ஒரு இலட்சத்திற்கும் அதிகமானவர்கள் இந்த நோயினால் பாதிக்கப்பட்டு அவதியுறுவதாகவும் தெரிவிக்கப்படுகிறது.
இவ்வாறு வருபவர்களுக்கு புற்று நோயைக் கண்டறிந்து சிறந்த முறையில் சிகிச்சையளிப்பதற்கு தம்மிடம் தரமான நவீன ரக சி.ரி. ஸ்கேனர் இயந்திரம் இல்லாத காரணத்தால் வைத்தியர்களும் நோயாளர்களும் பாரியளவில் அசௌகரியங்களை எதிர்கொள்வதாக மஹரகம புற்று நோய் வைத்தியசாலையின் சிரேஷ்ட வைத்திய நிபுணரும் ஆலோசகருமான மகேந்திர சோம திலக தெரிவிக்கின்றார்.
மஹரகம புற்றுநோய் வைத்தியசாலையில் இந்த இயந்திரம் இல்லாது சுமார் இருபது வருடங்கள் பழைமை வாய்ந்த சாதாரண சி.ரி இயந்திரம் ஒன்றினாலேயே நோயாளிகளின் பரிசோதனைகள் இடம் பெறுவதுடன், அங்கு வரும் நோயாளிகள் தமது சிகிச்சைக்காக ஏக்கத்துடன் காத்திருப்பதையும் அவதானிக்க முடிகின்றது.
இந்த வகையில் மஹரகம தேசிய புற்றுநோய் நிறுவனத்துடன் கதீஜா நிறுவனமும் இணைந்து புதியரக இயந்திரம் ஒன்றைக் கொள்வனவு செய்ய முயற்சிகளை முன்னெடுத்துள்ளது.
தம்மால் முடிந்தளவு நிதி உதவியை வழங்கலாம் என தெரிவிக் கப்பட்டுள்ளது. குறிப்பாக, மஹரகம புற்று நோய் வைத்தியசாலையின் வங்கிக்கணக்கில் வைப்புச் செய்வதன் (இலங்கை வங்கி மஹரகம கிளை, கணக்கு இல: 0071275069) மூலம் மேற்படி வேலைத்திட்டத்தின் நோக்கத்தை அடைந்து கொள்ளலாம் எனத் தெரிவிக்கப்படுகின்றது.
வங்கியில் வைப்பிலிடும் விபரம்
National Cancer Institute, Maharagama
Bank of Ceylon, Maharagama Account
No 007125069
Branch code 055 Bank code 7010
tel :0094- 1122897377/78
email:info@fightcancer.lk
website: www.fightcancer.lk