ad34@hFacMC 
களுத்துறை மாவட்ட முஸ்லிம்கள் பேரினவாத வலையில் சிக்கிவிடாமல் தமது பெறுமதி மிக்க வாக்குகளை பயனுள்ள வகையில் அளித்து அதன் மூலம் தமது கிராமத்திற்கும், சமூகத்திற்கும் கூடிய சேவைகளைப் பெற்றுக்கொள்ள வேண்டும். இம் மாவட்டத்தில் மஹிந்த ராஜபக் ஷவை பிரதமராக்குவதற்கு எந்த ஒரு முஸ்லிமும் வாக்களிக்கப்போவதில்லை என்பது உறுதியாகும் என பேருவளை நகர சபை முன்னாள் தலைவர் மஸாஹிம் முஹம்மத் கூறினார்.
பேருவளை மருதானை, மாளிகாஹேனை பகுதிகளில் நடைபெற்ற தேர்தல் பிரசாரக் கூட்டங்களில் பேசும் போதே அவர் இவ்வாறு குறிப்பிட்டார்.
அவர் தொடர்ந்தும் குறிப்பிடுகையில், பேருவளை என்பது முன்னாள் சபாநாயகர் தேசமான்ய எம்.ஏ.பாக்கீர் மாக்காரினால் அமைக்கப்பட்ட ஐக்கிய தேசியக் கட்சியின் கோட்டையாகும். இந்த ஐ.தே.கட்சி கோட்டையை மஹிந்த ராஜபக் ஷ அல்ல. அவரது தந்தை டி.ஏ.ராஜபக் ஷ வந்து போட்டியிட்டாலும் உடைக்க முடியாது.
முஸ்லிம்களை நசுக்கி அவர்களது பொருளாதாரத்தை மட்டம் தட்டி, பள்ளிவாசல்களை உடைத்து, முஸ்லிம் வீடுகள், பள்ளிவாசல்களை தீ வைத்து கொளுத்திய சம்ப வங்களை நாம் மறந்துவிடவில்லை. இனவாதிகளுக்கு உற்சாகமூட்டி பௌத்த வாக்குகளைப் பெற்றுக்கொள்ள மஹிந்த ராஜபக் ஷ ஆடிய ஆட்டம் கை கூடவில்லை.
தமிழ் – முஸ்லிம்களின் வாக்குகள் தேவையில்லை என்று ஜனாதிபதி தேர்த லின் இறுதிப் பிரசாரக் கூட்டங்களின் போது கூறிய மஹிந்த இன்று வெட்கமின்றி முஸ்லிம்களிடம் வாக்குக் கேட்கிறார்.
மஹிந்தவின் ஆட்சி முஸ்லிம்களுக்கு இருண்ட யுகமாக இருந்தது. இந்த ஆட்சி இனிமேல் வரக்கூடாது என்பது முஸ்லிம்களின் பிரார்த்தனையாகும்.
அவர் பிரதமரானால் சிறுபான்மை மக்களை பழி வாங்குவார். மஹிந்த ராஜபக் ஷவை பிரத மராக்க சில சுயநல முஸ்லிம்கள் இன்னும் அவருடன் இருக்கின்றனர். இந்த துரோகி களை சமூகம் ஓரங்கட்ட வேண்டும் என்றார்.