மீண்டும் ஹஜ் சர்ச்சை: கோட்டா மீள் பகிர்வுக்கு முகவர்கள் ஆட்சேபனை

ஹஜ் குழு­வினால் நேற்று உயர் நீதி­மன்றில் சமர்ப்­பிக்­கப்­பட்ட முக­வர்­க­ளுக்­கி­டை­யி­லான கோட்டா மீள்­ப­கிர்வு பட்­டி­ய­லிலும் முறை­கே­டுகள் இடம்­பெற்­றுள்­ள­தாக கூறி ஹஜ் கோட்டா மீள் பகிர்­வுக்கு முக­வர்கள் ஆட்­சே­பனை தெரி­வித்­துள்­ளனர்.

2012 ஆம் ஆண்டு உயர் நீதி­மன்ற நீதி­ய­ரசர் வழங்­கிய ஹஜ் வழி­காட்­டல்கள்(Guide Lines SCFR 500/2012) மீண்டும் மீறப்­பட்­டுள்­ள­மை­யினால் கோட்டா பகிர்­வினை ஏற்றுக் கொள்ள முடி­யா­தென பெரும்­பா­லான ஹஜ் முக­வர்கள் மறுப்புத் தெரி­வித்­துள்­ளனர்.

இதனால் இலங்­கை­ய­ருக்­கான ஹஜ் கேள்­விக்­கு­றி­யா­கி­யுள்­ளது. ஹஜ் முக­வர்­க­ளுக்­கான நேர்­மு­கப்­ப­ரீட்சை ஒரு சுயா­தீனக் குழு­வினால் நடாத்­தப்­பட்­டாலும் கோட்டா பகிர்வு ஹஜ் குழுவின் சிபா­ரிசின் பேரி­லேயே வழங்­கப்­பட்­டுள்­ளதால் மீண்டும் ஹஜ் வழிக்­காட்­டல்கள் மீறப்­பட்­டுள்­ள­தாக அவர்கள் தெரி­விக்­கின்­றனர்.

கோட்டா பகிர்வு நீதி­மன்ற ஹஜ் வழி­காட்­டல்­களை மீறி வழங்­கப்­பட்­டுள்­ள­தா­கவும் அதற்குத் தடை­யுத்­த­ரவு வழங்­கு­மாறும் உயர் நீதி­மன்றில் மனு­வொன்­றினைத் தாக்கல் செய்­துள்ள மூன்று முகவர் நிலை­யங்­களில் ஒரு­வ­ரான ட்ரான்ஸ் வர்ல்ட் உரி­மை­யாளர் இது தொடர்­பாக கருத்து தெரி­விக்­கையில்,

இம்­மு­றையும் கோட்டா பகிர்வு ஹஜ் வழி­காட்­டல்­களை மீறி வழங்­கப்­பட்­டுள்­ளது. உதா­ர­ண­மாக எது­வித முறைப்­பா­டு­களும் இல்­லாத முகவர் நிலை­யங்­க­ளுக்கு 10 புள்­ளிகள் வழங்­கப்­பட வேண்டும்.

ஆனால் இம்­முறை இந்தப் புள்ளி வழங்­கலில் முறை­கே­டுகள் இடம் பெற்­றுள்­ளன. இவ்­வா­றான கார­ணங்­களை முன்­வைத்து கோட்டா பகிர்­வுக்கு பெரும்­பா­லான முக­வர்கள் ஆட்­சே­பனை தெரி­விக்­கின்­றனர்.

எதிர்­வரும் 10ஆம் திகதி வெள்­ளிக்­கி­ழமை உயர் நீதி­மன்றம் நாம் தாக்கல் செய்­தி­ருந்த வழக்கின் விசா­ர­ணை­யைத் தொட­ர­வுள்­ளது. அன்­றைய தினம் நீதி­மன்றில் நாம் எமது ஆட்­சே­ப­னை­களைத் தெரி­விக்­க­வுள்ளோம். இதனால் இலங்­கை­ய­ருக்கு ஹஜ் செல்­வதில் பாதிப்­புகள் ஏதும் ஏற்­பட்டால் அதற்கு ஹஜ் குழுவே பொறுப்­பேற்க வேண்டும் என்றார்.

இவ்­வ­ரு­டத்­துக்­கான ஹஜ் கோட்டா பகிர்வில் முறை­கே­டுகள் இடம் பெற்­றுள்­ள­தாக மூன்று முகவர் நிலை­யங்கள் உயர் நீதி­மன்றில் வழக்கு தாக்கல் செய்­த­தை­ய­டுத்து நீதி­மன்றம் தனது ஹஜ் வழி­காட்­டல்­களை மீறி­யுள்­ள­தாக தெரி­வித்து ஹஜ் கோட்டா பகிர்­வுக்கு இடைக்­கால தடை­யுத்­த­ரவு விதித்­தது.

இத­னை­ய­டுத்து ஹஜ் குழு புதி­தாக ஹஜ் முக­வர்­க­ளுக்கு நேர்­மு­கப்­ப­ரீட்சை நடாத்தி கோட்­டாவை மீள பகிர விருப்பம் தெரி­வித்து உயர் நீதி­மன்றில் மனு­வொன்­றினைச் சமர்ப்­பித்து அதற்­கி­ணங்­கவே நேர்­மு­கப்­ப­ரீட்­சையை மீண்டும் நடாத்தி கோட்­டாவை மீளப் பகிர்ந்­தமை குறிப்­பி­டத்­தக்­க­தாகும். இந்த கோட்டா பகிர்­விற்கே மீண்டும் பெரும்­பா­லான ஹஜ் முக­வர்கள் ஆட்­சே­பனை தெரி­வித்­துள்­ளனர்.

167 ஹஜ் முக­வர்கள் நேர்­முகப் பரீட்­சைக்கு அழைக்­கப்­பட்டு அவர்­களில் 93 ஹஜ் முக­வர்கள் தெரிவு செய்­யப்­பட்டு 2240 கோட்டா அவர்கள் நேர்­முகப் பரீட்­சையில் பெற்றுக் கொண்ட புள்­ளி­க­ளுக்­க­மைய பகி­ரப்­பட்­டமை குறிப்­பி­டத்­தக்­க­தாகும்.

நேற்று உயர் நீதி­மன்றில் நடை­பெற்ற விசா­ர­ணையின் போதே கோட்டா பகிர்வு பட்­டியல் சமர்ப்­பிக்­கப்­பட்­டது. கோட்டா பகிர்வு பட்­டி­யலின் விப­ரங்­களை வாதி­க­ளான காரா, சப்ரா, ட்ரான்ஸ் வர்ல்ட் ஆகிய முகவர் நிலைய உரி­மை­யா­ளர்­க­ளுக்கு வழங்­கிய நீதி­மன்றம் விசா­ர­ணையை எதிர்­வரும் 10ஆம் திக­திக்கு ஒத்­தி­வைத்­த­துடன் ஆட்­சே­ப­னைகள் ஏதும் இருப்பின் அன்­றைய தினம் சமர்ப்­பிக்­கும்­படி உத்­த­ர­விட்­டது.

வழக்கில் பிர­தி­வா­தி­க­ளாக முஸ்லிம் சமய விவ­கார மற்றும் தபால் அமைச்சர் எம்.எச்.ஏ.ஹலீம் அமைச்சின் செயலாளர் அப்துல் மஜீத், முஸ்லிம் சமய கலாசார அலுவல்கள் திணைக்களப் பணிப்பாளர் எம்.எம்.எம்.ஸமீம் மற்றும் ஹஜ் குழு உறுப்பினர்கள் பெயர் குறிப்பிடப்பட்டிருந்தனர்.

வாதிகளின் தரப்பில் ஜனாதிபதி சட்டத்தரணி மனோகர டி சில்வாவும், பிரதிவாதிகளின் தரப்பில் சட்டத்தரணி சுரேஷ் ஞானராஜூம் ஆஜராகியிருந்தனர்.

-Vidivelli-