ஷிகா வைரஸ் வேகமாகப் பரவி வரும் நிலையில் சர்வதேச அளவில் உலக சுகாதார அமைப்பு அவசர நிலையை பிரகடனப்படுத்தியுள்ளது .
தென் அமெரிக்க நாடுகளில் வேகமாகப் பரவி வரும் ஷிகா வைரஸ் பிற நாடுகளுக்கும் மெதுவாக பரவி வருகிறது.
மேற்கு ஆபிரிக்காவில் எபோலா வைரஸ் பரவியபோது நடவடிக்கை எடுக்க தாமதமாகியதை அந்த அமைப்பு ஒப்புக் கொண்டுள்ளது.
இது குறித்து உலக சுகாதார அமைப்பின் இயக்குநர் மார்கரெட் சான், ஷிகா வைரஸால் உலகின் பிற பகுதிகளுக்கும் அச்சுறுத்தல் ஏற்பட்டுள்ளது.
இந் நிலையில் உலக அளவில் அவசர நிலை பிரகடனப்படுத்தப்பட்டுள்ளது. கர்ப்பிணிகளையும், குழந்தைகளையும் பாதுகாக்க முன்னுரிமை அளிக்கப்படும். நுளம்புகள் பெருகுவதை தடுக்க வேண்டுமென கூறியுள்ளார்.
இதனிடையே பிரேஸில் ஒலிம்பிக் போட்டி இடம்பெற 6 மாதங்களே உள்ள நிலையில் அரங்குகளுக்குச் செல்வதைக் கர்ப்பிணிகள் தவிர்க்க வேண்டுமென பிரேஸில் கேட்டுக் கொண்டுள்ளது.
ஆபத்தை விலைக்கு வாங்க வேண்டாம் என்று பிரேஸில் ஜனாதிபதி டில்மா ருசெப்பின் பேச்சாளர் வெக்னர் தெரிவித்துள்ளார்.
தென் அமெரிக்காவில் ஷிகா வைரஸ் வேகமாக பரவி வருவதாகவும், இந்த ஆண்டில் மட்டும் 40 இலட்சம் பேர் அந்த வைரஸால் பாதிக்கப்படக்கூடும் என்றும் உலக சுகாதார அமைப்பு கடந்த வாரம் எச்சரித்திருந்தது.
இதுவரை 25 நாடுகளில் ஷிகா வைரஸ் பாதிப்பு உள்ளது. அந்த நாடுகளில் 40 இலட்சம் பேர் பாதிக்கப்பட்டுள்ளனர். இதில் பிரேஸிலில் மட்டும் 15 இலட்சம் பேர் பாதிக்கப்பட்டுள்ளமை குறிப்பிடத்தக்கது.