ஸ்பெயின் நாட்டின் வான்வெளியில் அணிவகுத்து சென்ற வினோத பொருட்களை படம் பிடித்த போட்டோகிராபர்

Aboosali mohamed sulfikar

வேற்று கிரக வாசிகள் இருக்கிறார்களா இருந்தால் அவர்கள் எப்படி இருப்பார்கள் நம்மை போன்று இருப்பார்களா அல்லது சினிமாவில் காட்டப்படும் உருவங்களைப்போல் இருப்பார்களா இது போன்ற எண்ணற்ற கேள்விகள் நம் மனதில் எழுவது உண்டு. வேற்று கிரகவாசிகள் உள்ளார்களா என்ற கேள்விக்கு பெரும்பாலான விஞ்ஞானிகள் ஆம் என்றே பதில் கூறுகிறார்கள்.

வேற்று கிரகவாசிகள் குறித்து ஆய்வு நடத்தி வரும் (யுஎப்ஓ)  அமைப்பு ஆய்வாளர்கள் அவ்வப்போது வேற்றுகிரகவாசிகள் குறித்த தகவல்களை வெளியிடுவது உண்டு. சமீபத்தில் லியோனார்டோ டாவின்சி வரைந்த புகழ் பெற்ற ஓவியம் மோனலிசா வியத்தில் ஏலியன் துறவி ஒருவர் மறைந்து உள்ளார் என வேற்று கிரகவாசிகளுக்கான இணையதளத்தில் கூறப்பட்டு இருந்தது.  இது குறித்து இணையதளத்தில் வெளியிடப்பட்டுள்ள வீடியோ ஒன்றில், வேற்று கிரகவாசிகளின் மறைவு வாழக்கை முறை குறித்து இந்த குழுவினர் தெரிவித்துள்ளதுடன், அவர்களின் முக அமைப்புகள், தலையில் அணியும் தொப்பி, மேல் அங்கி மற்றும் கைகள் ஆகியவை குறித்தும் வெளியிட்டு இருந்தனர்.

இந்த நிலையில் அயர்லாந்தை சேர்ந்த கர்ல் ஜென்னிங் என்ற போட்டாகிராபர் ஸ்பெயின் வான் வெளியில் பறந்த ஒரு  அடையாளம் தெரியாத விமானங்கள் போன்ற பறந்த பல்வேறு பொருட்களை பார்த்து படம் எடுத்து உள்ளார். மர்மமான முறையில் பறந்த இந்த பொருட்களை அவர் கடந்த 2014 ஆம் ஆண்டு அக்டோபர் மாதம் 27 ந்தேதி மத்திய மேட்ரிட் நகரில் படம் பிடித்து உள்ளார்.

இந்த புகைபடங்களில் எந்த வித கிராபிக் மாற்றங்களும் செய்யப்படவில்லை என அவர் உறுதி பட கூறுகிறார். முதலில் அந்த வினோதமான பொருள் பறவைகள் அல்லது விமானங்களா என குழப்பம் ஏற்படுத்தியது.  ஆனால் 14  வலிமையான  பறக்கும் வாகன தொகுதியாக அது இருந்தது. என்று அவர் கூறி உள்ளார்.