அமெரிக்க ஜனாதிபதி ஒபாமா ஜப்பானின் ஹிரோஷிமா நகருக்கு இம் மாதம் இறுதியில் சுற்றுப்பயணம் மேற்கொள்ளவுள்ளார்.
அமெரிக்காவின் அணுகுண்டால் பாதிக்கப்பட்ட ஹிரோஷிமா நகருக்கு இதுவரை அமெரிக்க ஜனாதிபதிகள் யாரும் செல்லவில்லை.
இந்நிலையில் இம்மாதம் 27ஆம் திகதி ஜி-7 உச்சி மாநாட்டுக்காக ஜப்பான் செல்லவுள்ள அமெரிக்க ஜனாதிபதி ஒபாமா, ஹிரோஷிமா நகரத்துக்கும் செல்லவுள்ளார்.
பதவியில் இருக்கும் அமெரிக்க ஜனாதிபதி ஒருவர் அந் நகரத்துக்கு செல்வது இதுவே முதல்முறை என்பதால், அவரது இந்த சுற்றுப்
பயணம் வரலாற்று முக்கியத்துவம் வாய்ந்ததாக அமையும் என எதிர்பார்க்கப்படுகிறது.
எனினும் அமெரிக்கா அணுகுண்டு தாக்குதல் நடத்தியதற்காக மன்னிப்பு கோர முடியாது என்றும் அவர் கூறியுள்ளார்.
1945ஆம் ஆண்டு இரண்டாம் உலகப்போரின் போது, ஜப்பானின் ஹிரோஷிமா, நாகஷாகி ஆகிய நகரங்கள் மீது அமெரிக்கா சக்தி வாய்ந்த அணுகுண்டுகளை வீசியது. இவற்றில் இலட்சக்கணக் கானோர் கொல்லப்பட்டனர்.
சர்வதேச ரீதியில், அணு ஆயுதப் பரவலைத் தடுக்க பாடுபட்டமைக்காகவும், சர்வதேச நாடுகளிடையே நல்லெண்ணத்தை உருவாக்கப் பாடுபட்டமைக்காகவும் ஒபாமாவுக்கு கடந்த 2009ஆம் ஆண்டு நோபல் பரிசு அறிவிக்கப்பட்டமை குறிப்பிடத்தக்கது.