ஏறாவூர் சதாம் ஹுஸைன் கிராம சத்தாம் ஹுஸைன் பள்ளிவாசல் வளாகத்தில் மின்னல் தாக்கி சேதமேற்பட்டுள்ளதாக பள்ளிவாசல் நிருவாகத்தினர் தெரிவித்தனர்.
சனிக்கிழமை பகல் இடி முழக்கத்துடன் பலத்த மழையும் மின்னலும் காணப்பட்டது. இவ்வேளையிலேயே மின்னல் மேற்படி சத்தாம் ஹுஸைன் பள்ளி வாசலின் வளாகத்தையும் தாக்கியது.
இதனால் மின்சார பல்புகள், மின் மானி, மற்றும் கட்டிடம் என்பனவற்றுக்கும் சேதம் ஏற்பட்டுள்ளதாக பள்ளிவாசல் நிருவாகம் தெரிவித்தது. மின்னல் தாக்கும்போது பள்ளிவாசலில் எவரும் இருந்திருக்கவில்லை என்றும் பள்ளிவாசல் நிருவாகத்தினர் தெரிவித்தனர்.