பாகிஸ்தானில் 7 வயது சிறுவனுக்கும் 6 வயது சிறுமிக்கும் திருமணம் நடத்தி வைத்த குற்றச்சாட்டில் ஆறு பேரை பாகிஸ்தான் பொலிஸார் கைது செய்துள்ளனர்.
மேற்படி சிறார்களின் பெற்றோர் மற்றும் திருமண வைபவத்தின் சாட்சிகளான 6 பேரும் பாகிஸ்தானின் கிழக்குப் பகுதியில் கடந்த வெள்ளிக்கிழமை கைது செய்யப்பட்டனர் என சிரேஷ்ட பொலிஸ் அதிகாரியான சைஃபுல்லா கான் தெரிவித்துள்ளார்.
இவர்கள் குற்றவாளிகளாக காணப்பட்டால் 6 மாத சிறைத்தண்டனை மற்றும் 50,000 பாகிஸ்தான் ரூபா அபராதம் விதிக்கப்படலாம் எனத் தெரிவிக்கப்படுகிறது.
பாகிஸ்தானில் திருமணம் செய்துகொள்ளும் பெண்களின் வயதை 16 இலிருந்து 18 ஆக அதிகரிப்பதற்கும் சிறுவர் திருமணங்களை நடத்துவோருக்கு கடும் தண்டனை அளிப்பதற்கான சட்டமூலமொன்று முன்வைக்கப்பட்டிருந்தது. எனினும், எதிர்ப்புகளையடுத்து அச்சட்டமூலம் கடந்த மாதம் வாபஸ் பெறப்பட்டமை குறிப்பிடத்தக்கது.