ஒலிம்பிக் அல்லது பொதுநலவாய விளையாட்டு விழாக்களில் கிரிக்கெட் போட்டிகளை இணைப்பதா? இல்லையா? என்பது குறித்தான முகாமைத்துவக் குழுவின் பரிந்தரைகளை சர்வதேச கிரிக்கட் பேரவை திங்களன்று ஆராய்ந்தது.
இதன் போது இந்த விடயம் குறித்து இறுதித் தீர்மானம் எடுப்பதற்கு முன்னர், உறுப்பு நாடுகளின் பிரதிநிதிகள், சர்வதேச ஒலிம்பிக் குழுவினர், பொதுநலவாய விளையாட்டுத்துறை சமமேளன உறுப்பினர்கள் ஆகியோருடன் கலந்துரையாட வேண்டும் எனவும் பேரவையின் நிருவாக சபை தீர்மானித்தது.
சீனாவில் கிரிக்கெட் விளையாட்டுத்துறை வியாபித்து வருவது தொடர்பான அறிக்கை ஒன்று சர்வதேச கிரிக்கெட் பேரவையிடம் சமர்ப்பிக்கப்பட்டுள்ளது.
தற்போது அந் நாட்டில் 35,000 பெண்கள் உட்பட 80,000 பேர் கிரிக்கெட் விளையாட்டில் ஈடுபட்டு வருவது உறுதி செய்யப்பட்டுள்ளதாக அந்த அறிக்கையில் குறிப்பிடப்பட்டுள்ளது.
சீனாவில் கிரிக்கெட் விளையாட்டுத்துறையை அபிவிருத்தி செய்யும் வகையில் நீண்டகாலத் திட்டம் ஒன்றை வகுப்பதெனவும் சர்வதேச கிரிக்கெட் பேரவையின் நிரு வாக சபை தீர்மானித்துள்ளது.