எதிர்வரும் தேர்தல் எமது சிறுபான்மை சமூகத்தின் உரிமையை பாதுகாக்கும் தேர்தலாகும்_அப்துல்லா மஃறூப் எம்.பி

எதிர்வரும் நாடாளுமன்றத் தேர்தல் அபிவிருத்திக்கான தேர்தல் அல்ல அது எமது சிறுபான்மை சமூகத்தின் உரிமைகளை வென்றெடுப்பதற்கான தேர்தலாகும் எனவும் இதனை பாதுகாக்க நாம் சரியான தலைமகளை நாடாளுமன்றத்துக்கு அனுப்ப வேண்டும் என திருகோணமலை மாவட்ட நாடாளுமன்ற உறுப்பினர் அப்துல்லா மஃறூப் தெரிவித்தார்.

தம்பலகாமம் அல் ஹிக்மா முஸ்லிம் மகா வித்தியாலயத்தில் நேற்று (27) மாலை இடம் பெற்ற இல்ல விளையாட்டு போட்டியில் பிரதம அதிதியாக கலந்து கொண்டு உரையாற்றும் போதே இவ்வாறு தெரிவித்தார். தொடர்ந்தும் அங்கு கருத்துரைக்கையில் உரி மைகள் இந்த அரசாங்கத்தில் எமக்கு மறுக்கப்படுகிறது பள்ளிவாயல்,பர்தா ,திருமண சட்டங்கள் உள்ளிட்டவற்றை மழுங்கடிக்க நினைக்கிறார்கள் . இதனை வெற்றிகொள்ள எதிர்வரும் தேர்தலில் சமூகத்தின் உரிமைக்காக ஓங்கி ஒலிக்கின்ற குரலை நாடாளுமன்றிற்கு அனுப்ப வேண்டும் மாவட்ட ஒருங்கினைப்புக் குழுவிலும் மாவட்ட உரிமைகளை வென்றெடுக்கவும் பொறுப்பு வாய்ந்த தலைமைகளை தெரிவு செய்ய வேண்டும். இன விகிதாசாரத்திற்கு ஏற்ப உள்ளூராட்சிமன்றங்களை தெரிவு செய்ய முடியாத நிலையும் தோன்றியுள்ளது. சாய்ந்தமருதில் புதிய நகர சபை உருவாக்கம் பற்றி தங்கத்தட்டிலே வைத்து கொடுப்பது போன்று மூன்று நாட்களின் பின் இரத்துச் செய்து விட்டார்கள். இதனை நாம் இங்கு கை தட்டி,கை கட்டி விட்டு சென்று விட முடியாது சமூக உரிமைகளுக்காக குரல் கொடுக்க பாடுபட வேண்டும் எதிர் வரும் ஞாயிற்றுக் கிழமை நள்ளிரவு 12.30 மணியுடன் பாராளுமன்றம் கலைக்கப்படலாம் . இளைஞர்கள்,பெண்கள் தீர்க்கமான முடிவுகளை எடுக்க வேண்டியதொரு கால கட்டம் மத அனுஷ்டானங்களை பாதுகாக்கவும் எமது மண்ணையும் பாதுகாக்க உரிமைக் குரலாக செயற்படுவோரை சட்டமன்றத்திற்கு அனுப்ப வேண்டும் .இன்று அரச சேவையில் இலங்கை நிருவாக சேவை (SLAS), SLOS சேவை போன்ற அரச அதிகாரிகள் இருக்கின்ற போதிலும் இரானுவம்,கடற்படைகளை கொண்டு நேர்முகத் தேர்வு நடாத்துகிறார்கள் இது போன்று வவுனியா மாவட்டத்தில் அரச அதிபராக கடமையாற்றிய ஹனீபா அவர்களை கொழும்புக்கு இடமாற்றம் செய்து விட்டார்கள் .திருகோணமலை,அம்பாறையில் 42 வீதமாக வாழும் எமது சமூகத்தினரிலிருந்தும் மாவட்ட செயலாளர்கள் உரிய விகிதாசாரத்தின்படி நியமனம் செய்யப்படாது உரிமைகள் மேலும் மறுக்கப்பட்டு வருகிறது என்றார்.